परंतु सासूबाई फार यात्रा करायच्या.
सासरेबुवांचा स्वभाव आस्तिक होता.
पण निनूचे बाबा आणि मी...
आहे बाई एक कोणतीतरी शक्ती, असे मानतो.
आम्ही पण फिरलो.
पण निसर्ग बघण्यासाठी फक्त.
निनूच्या बाबांचा एकसष्टावा वाढदिवस आम्ही निसर्ग बघत घालवला होता.
एकदा ते घाबरले.
मी दिसले नाही ना...
म्हणून.
मग ते मला हाका मारत शोधू लागले.
मग मी त्यांना बोलावलं आणि म्हणाले,
हे बघा या झाडाजवळ मी निसर्ग बघते आहे.
वयाच्या एकसष्टाव्या वर्षी त्यांची निसर्ग बघण्याची मेली ती हौस.. इश्श..
मला हिंडणे आवडते.
ते गेल्यानंतर देखील मी हिंडणे चालू ठेवले आहे.
निसर्ग आपण पाहिला नाही तर निसर्गाला काय वाटेल?
सासूबाई फारच आस्तिक होत्या.
कमी शिकलेल्या होत्या आणि देवदर्शन घेत हिंडायच्या.
परंतु आम्ही जास्त शिकलो.
म्हणून आम्हाला निसर्ग बघत हिंडणे खूप आवडते.
- शांता मधुकर औंधकर
No comments:
Post a Comment